БИШКЕК, 15-фев. — Sputnik. Бишкек шаардык соту мурдагы премьер-министр Мухаммедкалый Абылгазиевдин баш коргоо чарасын карап, райондук соттун өкүмүн күчүндө калтырды. Бул тууралуу шаардык соттун маалымат катчысы Айсулуу Жаасынова билдирди.
Бишкектин Биринчи май райондук соту 28-январда мурдагы өкмөт башчыны 26-мартка чейин камакка алуу боюнча чечим чыгарган.
Абылгазиев 26-январь күнү сурактан кийин кармалган болчу. Ал коррупция жана мыйзамсыз баюу фактысы боюнча айыпталып жатат. УКМКнын маалыматына караганда, Абылгазиев мамлекеттик кызматта иштеп турган чагында активдери кескин көбөйүп, расмий түрдө тапкан кирешесинен бир нече эсеге көп чыккан.