БИШКЕК, 8-фев. — Sputnik. Ош шаарында 16 жаштагы окуучу кызды зордуктоого шектелип эки улан кармалды. Бул тууралуу Ош шаардык милициянын маалымат кызматы кабарлады.
Билдирмеге караганда, декабрь айында Ош облусунун тургуну арыз жазып, Ош шаарында анын 16 жаштагы кызын белгисиз эки жаран калаадагы батирлердин биринде зордуктап койгондугун жана аларга жаза берүүнү өтүнгөн.
ШИИБдин криминалдык милиция кызматы тарабынан 6-февраль күнү бул кылмышка шектүү катары Ош шаарында жашаган 20 жаштагы К.Т. жана А.К. аттуу эки улан кармалган. Аларга карата Жазык кодексинин 161-беренеси ("Зордуктоо") менен сотко чейинки өндүрүш ачылды.
Алгачкы тергөөдө жабырлануучу кыз шектүү балдар менен Instagram социалдык түйүнү аркылуу таанышып, баарлашып жүргөнү маалым болгон. Ал эми Ош шаарына алардын чакыруусу менен келгени айтылат.