БИШКЕК, 7-фев. — Sputnik. Бүгүн, 7-февралда, Профсоюзная көчөсүндө милициянын автоунаасы катышкан жол кырсыгы катталды. Окуянын видеосу интернетке жүктөлгөн.
Видеодон милициянын автоунаасы эвакуаторго жүктөлүп турганын көрүүгө болот. Маалыматты Кайгуул милициясынын маалымат кызматы тастыктады. Ага ылайык, милициянын автоунаасы Nissan үлгүсүндөгү жеңил автокөлүк менен кагышкан.
Кырсыктан экинчи автоунаадагы бир адам жабыркаган. Эки автоунаа тең атайын жайга токтотулуп, экспертиза дайындалган. Чогултулган материалдар Тергөө кызматына өткөрүлүп берилген.