БИШКЕК, 7-фев. — Sputnik. Индиянын Уттаракханд штатында мөңгү ордунан жылып кетип, учурда 150 киши дайынсыз болуп жатат. Бул тууралуу NDTV телеканалына шилмете берип РИА Новости жазды.
Маалыматка караганда, мөңгүнүн чоң-чоң бөлүктөрү Алакнанда жана Дхаулиганга дарыяларына түшкөн. Жыйынтыгында андагы суу көтөрүлүп, ылдый жакта жайгашкан Сринагар, Ришикеш жана Харидвар гидроэлектр станцияларына коркунуч жараткан. Дал ошол маалда алар суу сактагычтардагы сууларды шашылыш түрдө агызууга аргасыз болушкан.
Дайынсыз болуп жаткан адамдардын көпчүлүгү Ришиганг гидроэлектр станциясынын жумушчулары экени айтылууда.
Учурда абал акырындык менен жөнгө салынып, бирок суу нормасынан 1 метр жогору болуп жатканы кабарланды.