БИШКЕК, 3-фев. — Sputnik. Коронавируска каршы вакцина алуунун кыйыр таасири тууралуу "360" телеканалына вирусолог, медицина илимдеринин доктору Анатолий Альтштейн айтып бергенин РИА Новости жазды.
"Бул иммунитеттен көз каранды эмес. Организмдин өзгөчөлүгү, вирустук белок уулуу касиетке ээ болгондуктан реакция жүрүп кетет. Бирок мындай көрүнүштөн коркпош керек, себеби аны адамдардын бардыгы эле бирдей кабыл ала бербейт", — деген Альтштейн.
Россиянын Саламаттык сактоо министрлиги 2020-жылдын август айында дүйнөдө биринчи болуп COVID-19га каршы "Спутник V" вакцинасын каттаган. Ал Гамалея атындагы Эпидемиология жана микробиология улуттук изилдөө борбору менен Россиялык түз инвестициялар фонду тарабынан иштелип чыккан. Вакцинанын натыйжалуулугу 90 пайыздан жогору болору айтылат.
Россиядан тышкары препарат Беларусь, Аргентина, БАЭ, Венгрия, Сербия, Боливия, Алжир, Палестина, Венесуэла, Парагвай жана Түркмөнстанда жактырылган.