БИШКЕК, 2-фев. — Sputnik. Бишкек шаарындагы ТЭЦтин конвейеринен өрт чыгып, үч райондон өрт өчүрүүчү үч бригада барды. Бул тууралуу ӨКМдин маалымат кызматынан кабарлашты.
"Өрттү өчүрүүгө Свердлов райондук өрткө каршы бир бригадасы, Октябрь, Биринчи май райондорунан бирден бөлүм жана штабдан да өрт өчүрүүчүлөр тартылган", — деп айтылган маалыматта.
ӨКМ ТЭЦтин жер төлөсүндөгү конвейерден чыккан өрт саат 13:25те чектөөгө алынгандыгын билдирди.
Учурда өрттү толук өчүрүү иштери жүрүп жаткандыгы, кошумча маалымат берилери айтылды.
"Электр станциялары" ишканасынын маалымат кызматы жер төлөдөгү кампа конвейеринде электр кабелдеринен учкун чыгып, жалынга айлангандыгын айтышты. Адистер тартылган кабелдердин зыянга учурабагандыгын текшерип жаткандыгын кошумчалашты.