БИШКЕК, 30-янв. — Sputnik. Евразиялык экономикалык биримдикке мүчө-мамлекеттердин жарандарына Россияга Беларусь жана Армениянын аймагы аркылуу кирүүгө уруксат берилет. Бул тууралуу РФ өкмөтүнүн токтомунда айтылды.
Россияга жол тарткандар жыйынтыгы терс чыккан коронавирус тестин "Путешествую без COVID-19" мобилдик тиркемесинен көрсөтүшү зарыл.
Эскерте кетсек, ЕАЭБге Кыргызстан, Армения, Казакстан, Беларусь жана Россия мүчө. Ал эми Молдова, Куба жана Өзбекстан байкоочу макамына ээ.