БИШКЕК, 26-янв. — Sputnik. "Манас" эл аралык аэропорту кадимки режимде ишин уланта баштады. Бул тууралуу мекеменин маалымат кызматы билдирди.
Ага ылайык, аба майдандын аймагындагы туман тарап, бүгүн кармалып турган каттамдар жанданды.
Буга чейин коюу тумандан улам айырым каттамдар кармалганы айтылган.
Аэропорттун маалымат кызматы жүргүнчүлөрдү "Манас" аэропортундагы каттамдар боюнча маалыматтарды 0(312)693109 телефону аркылуу тактап алууну сунуштады.