БИШКЕК, 21-янв. — Sputnik. Россияда коронавируска каршы "Спутник V" вакцинасы бир векторлуу дары-дармектерге караганда жакшы натыйжаларды берип жатат. Бул тууралуу эл аралык илимий-эксперттик кеңештин адиси Карлос Сала айтканын РИА Новости жазды.
"Биз аденовирустун ар кандай векторлорун колдонуу стратегиясына дайыма кызыгып келгенбиз. Башка вакциналарга салыштырмалуу натыйжасы жакшы болору аныкталган", — деген эксперт.
Адис муну инновациялык жетишкендик деп атаган.
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. "Спутник V" вакцинасы аденовирустук векторлорго негизделип жасалган. Учурда анын географиясы кеңейүүдө.