Чубак ажынын сейрек сүрөттөрү. Күлгүн жаштык, атактуулук, шум ажал

Буга байланыштуу Sputnik Кыргызстан маалымат агенттиги Чубак ажынын сүрөттөрүн топтоду.

Мурдагы муфтий былтыр 11-июль күнү эки тараптуу пневмония менен оор абалда ооруканага түшүп, тилекке каршы, реанимациялык аракеттерге карабастан көз жумган.

Муфтий Чубак ажынын бала-бакырасына жолугуп, акчалай жардам берди. Сүрөт

17 Теке 2020, 18:37

Чубак ажы Жалилов 1975-жылы 21-январда Жалал-Абаддагы Базар-Коргон районунун Мундуз айылында мугалимдин үй-бүлөсүндө туулган. 1996-жылы Кыргызстандагы Ислам университетин, 2000-2006-жылдары Сауд Аравиядагы Эл аралык "Умм ал-Кур" университетинде жогорку билим алган.

Чубак ажы 2005-2007-жылдары Бүткүл дүйнөлүк ислам лигасынын Орто Азия боюнча эксперти катары эмгектенген. Ал эми 2010-2012-жылдары Кыргызстан мусулмандар дин башкармалыгын жетектеген. Андан Аалымдар кеңешинин мүчөсү катары эл кыдырып, насаатын айтып жүрдү. Ошондой эле окуу жайларда мугалимдикти аркалаган.

1 / 16

Бүгүн белгилүү дин аалымы Чубак ажы Жалилов көзү тирүү болгондо 46 жашка чыкмак

2 / 16

Ал 1975-жылы 21-январда Базар-Коргон районунун Мундуз айылында математик менен англис тилчинин үй-бүлөсүндө туулган

3 / 16

Чубак ажы мектепти алтын медаль, ал эми жогорку окуу жайларды кызыл диплом менен бүтүргөн

4 / 16

Кычырап костюм-шым кийип... Күлгүндөй жаштык кез

5 / 16

Чубак ажы Кыргызстандагы Ислам университетинде, андан кийин Сауд Аравиядагы "Умм ал-Кур" университетинде билим алган

6 / 16

Иш тажрыйбасын Жусуп Баласагын атындагы Кыргыз улуттук университетинде араб тилинен сабак берүү менен баштаган

7 / 16

Чубак ажы 2010-2012-жылдары Кыргызстан мусулмандар дин башкармалыгын жетектеген. Сүрөттө дагы бир дин аалымы Абдышүкүр Нарматов жана мурдагы президент Алмазбек Атамбаев менен

8 / 16

Чубак ажы Жалилов оозунда сөзү бар, дин тууралуу жалпак тил менен, ошол эле учурда илимге таянып түшүндүрүп берген аалым эле

9 / 16

Көзүнүн тирүүсүндө ал ЖМКлар аркылуу элдин суроолоруна азил-чыны аралаш жооп берип турчу

10 / 16

Чубак ажынын акыл-насаатын укканы мечиттерге жүздөгөн киши чогулчу

11 / 16

Кыргызстан мусулмандарынын Аалымдар кеңешинин мүчөсү катары Ош шаарындагы диний китеп дүкөндөргө барган кези

12 / 16

Таласка иш сапары менен барганда 90го таяган дин аалымы Сагыналы молдону зыярат кылып, ден соолугунан кабар алып жаткан маалы

13 / 16

Жолугушууга келгендерди жылуу кабыл алып, таасирдүү сөзү менен узатканын эскеришет

14 / 16

Эки аалым. Чубак ажы үзөңгүлөшү Абдышүкүр Нарматов менен

15 / 16

Атактуу дин аалымы былтыр пандемиянын курмандыгы болду... Бул дүйнөдөгү мусулман эли үчүн оор жоготуу экени талашсыз

16 / 16

Чубак ажынын сөөгү өзүнүн туулуп өскөн айылы Базар-Коргон районундагы Бай-Мундуз айылында жерге берилген. Бул анын кабыры