БИШКЕК, 21-янв. — Sputnik. Мамэкотехинспекциянын Бишкек шаары боюнча региондор аралык башкармалыгы борбор калаада жана Чүй облусунда радиациялык фонду текшерди. Бул тууралуу мекеменин маалымат кызматы кабарлады.
Натыйжада өлчөөлөр радиациялык фондун деңгээли "Радиациялык коопсуздук жөнүндө" КРдин техникалык регламенттеринин белгиленген ченеминен ашпагандыгын көрсөткөн.
Мекеме өлчөөлөр премьер-министрдин милдетин аткаруучу Артём Новиковдун тапшырмасы менен жүргүзүлгөнүн белгиледи.