БИШКЕК, 20-янв. — Sputnik. Борбордук шайлоо комиссиясы Кыргызстандагы президенттик шайлоонун расмий жыйынтыгын жарыялады.
Ага ылайык, Садыр Жапаров шайлоочулардын 79,2 пайыз добушун алып жеңип чыкты. Экинчи орунда 6,79 пайыз менен Адахан Мадумаров болсо, үчүнчүнү 2,36 пайыз менен Бабыржан Төлбаев ээледи.
Президенттикке 17 киши ат салышкан. Кезексиз шайлоо өткөрүү чечими мурунку өлкө башчы Сооронбай Жээнбековдун отставкасынан кийин кабыл алынган. Президенттик шайлоо менен бирге башкаруу формасы аныктала турган референдум да өткөн.
Шайлоо жана референдумду өткөрүү үчүн 2 474 участок даярдалган, анын 48и чет өлкөлөрдө болду.
Жалпы жонунан биометрикалык маалымат тапшырган 3 миллион 563 миң 574 кыргызстандык добуш берүү укугуна ээ.