БИШКЕК, 20-янв. — Sputnik. Ички иштер министрлигинин Ички аскерлеринде жаңы таймаштар залы ачылды. Бул тууралуу мекеменин маалымат кызматы кабарлады.
Салтанаттуу иш-чарага ИИМдин Ички аскерлеринин жетекчилиги жана спорттук федерациялардын өкүлдөрү катышкан.
"Күрөш залынын ачылышы аскерлердин даярдыгына, ден соолугуна жана спортто жаңы ийгиликтерди жаратышына өбөлгө түзөт деп ишенебиз. Машыгуучу жай эмеректер, заманбап акустикалык системалар, жерге төшөлүүчү каражаттар менен жабдылып, учурдун талабына толугу менен жооп берет", — деп жазылган маалыматта.
ИИМдин Ички аскерлери мурда Генералдык штабга өткөрүп берилген, бирок кийин кайра министрликтин карамагында болуп калган.