БИШКЕК, 12-янв. — Sputnik. Социалдык фонддун Талас облусу боюнча башкармалыгынын жетекчиси пара берүүгө шектелип кармалды. Бул тууралуу УКМКдан билдиришти.
Маалыматка караганда, Ы. И. С. КР Жазык кодексинин 328-беренесине ("Пара берүү") ылайык ачылган кылмыш иштин алкагында пара берип жаткан жеринен кармалган.
"Ы. И. С. Социалдык фонддун Талас облусу боюнча башкармалыгынын кызматкерлерине командировка акысы катары бюджеттен бөлүнгөн акчаны менчиктеп алуу фактысы боюнча ачылган кылмыш ишин токтотуу үчүн УКМКнын кызматкерине 70 миң сом сунуштаганы аныкталды", — деп айтылат маалыматта.
Шектүү Талас облустук милициясынын убактылуу кармоо жайына киргизилип, тергөө иштери уланууда.