БИШКЕК, 10-янв. — Sputnik. Президенттик шайлоодо берилген добуштарды электрондук системанын жардамы менен саноонун жыйынтыгында Садыр Жапаров алдыга озуп чыкты.
Саат 20.15те добуштардын 60,52 пайызы эсептелип, Жапаровго элдин 81 пайыздан ашыгы добуш бергени аныкталды.
Бүгүн өлкө боюнча 2 474, ал эми чет мамлекеттерде 48 шайлоо участкасы ачылган. Саат 20.00дө алардын бардыгы жабылды. Жалпы жонунан 3 563 574 кыргызстандык добуш берүү укугуна ээ болгон.
Мамлекет башчылыкка жалпысынан 17 талапкер ат салышты.