Өлкөнүн Борбордук шайлоо комиссиясынын саат 14:00гө берген маалыматы боюнча, өлкө президентин шайлоодо жана референдумда шайлоочулардын катышуусу 18,56 пайызды түздү, тактап айтканда, 661 501 адам добуш берген.
Жалпысынан 2 474 шайлоо участкалары ачылып, анын 48и чет жактарда жайгашкан. Добуш берүүнүн жүрүшүнө 44 мамлекеттен келген 330 эл аралык байкоочу көз салууда. Ал эми чагылдыруу үчүн 11 өлкөдөн 92 ЖМК өкүлү жана Кыргызстандан 217 журналист катталган (аккредитацияланган). Өнөктүк учурундагы мыйзам бузуулар боюнча даттанууларды өкмөткө жолдосо болот. Ал жерде сall-борбор иштеп жатат.