БИШКЕК, 9-янв. — Sputnik. Индонезияда 50дөн ашык жүргүнчүсү бар Boeing 737-500 учагы деңиздин үстүнө кулап, кыйроого учурады. Бул тууралуу Синьхуа агенттигине шилтеме берип РИА Новости жазды.
Жээк күзөтчүлөрүнүн айтымында, суудан учактын калдыктары менен жүргүнчүлөрдүн сөөктөрү табыла баштады.
Азырынча учак Жакартадан Понтианак шаарына бара жатып кырсыктаганы белгилүү. Жээкке жакын жашаган тургундар алгач эки ирет жарылуу болгондой катуу үн угулганын айтышууда.