БИШКЕК, 9-янв. — Sputnik. 75 жаш курагында мурдагы саламаттык сактоо министри, Кыргызстанга эмгек сиңирген дарыгер Шайлообек Ниязов дүйнө салды. Бул тууралуу өкмөттүн маалымат кызматынан билдиришти.
2000-жылдын январынан тарта Улуттук госпиталдын башкы дарыгери болгон. 2005-2007-жылдар аралыгында саламаттык сактоо министри болуп эмгектенген.
Кыргыз медицинасына кошкон салымы үчүн 1983-жылы саламаттык сактоонун отличниги болгон. 1995-жылы КР эмгек сиңирген дарыгери наамына татыган.