БИШКЕК, 7-янв. — Sputnik. Вашингтондогу башаламандыктарга байланыштуу Кыргызстандын АКШдагы элчилиги ошол жактагы мекендештерге кайрылды.
Билдирүү социалдык тармактарга жарыяланды. Бүгүн, 7-январга караган түнү, АКШ президенти Дональд Трамптын тарапташтары президенттик шайлоонун жыйынтыгын карай турган сенаттын имаратына кирип барышкан. Митингчилер менен күч түзүмдөрүнүн кызматкерлери кагылышкан.
7 Үчтүн айы 2021, 10:59
Элчилик мекендештерди эл көп чогулган жерлерден алыс болуп, этият жүрүүнү суранды.
Ошондой эле жабыркаган же кармалган кыргызстандыктар жөнүндө маалыматтар болсо тез аранын ичинде +1 (202) 2562924 (ишеним телефону) номерине же kgconsulate.washington@mfa.gov.kg, kgembassy.usa@mfa.gov.kg элекрондук даректерине кабарлап коюуну өтүнөт.