БИШКЕК, 6-янв. — Sputnik. Президенттикке талапкерлердин бири да добуштардын 50 пайызынан жогорку көрсөткүчкө ээ боло албаса, кайра добуш берүү өтөт. Бул тууралуу Борбордук шайлоо комиссиясынын төрайымы Нуржан Шайлдабекова билдирди.
Экинчи тур шайлоонун жыйынтыгы расмий чыккандан кийин (20 күнгө чейин) эки жуманын аралыгында уюштурулат.
Шайлдабекова президенттик шайлоого катышууга минималдык чек коюлбаганын белгилеп, добуш бергендердин санына жараша жыйынтык чыгарын кошумчалады.
Ал эми референдумду өттү деп таануу үчүн шайлоочулардын кеминде 30 пайызы катышышы керек.