БИШКЕК, 5-янв. – Sputnik. Улуттук коопсуздук комитети тарабынан кармалган Бишкек мэринин мурдагы орун басары Мирлан Амантуров эки айга камакка алынды.
Бул тууралуу Биринчи май райондук сотунун маалымат катчысы Айзада Момунова билдирди.
31-декбарда райондук соттун судьясы чыгарган чечимге ылайык, мурдагы вице-мэр 28-февралга чейин УКМКнын тергөө абагында болот.
Мирлан Амантуров 29-декабрда ишенип берилген мүлктү менчиктеп, максатсыз колдонгон деп шектелип кармалган.
Ал Бишкек мэринин орун басары болгонго чейин "Бишкек асфальт сервис" ишканасында эмгектенген.