БИШКЕК, 1-янв. — Sputnik. Кыргызстанда жаңы жыл түнү милицияга 184 адамдан арыз түштү. Бул тууралуу Ички иштер министрлигинин маалымат кызматы билдирди.
Майрам күнү өлкөдө коомдук тартипти сактоо үчүн 13 миңден ашуун милиционер жумушка чыкканы маалым болду.
“Ички иштер органдарынын кызматкерлери коомдук тартипти толугу менен камсыздап, бир дагы олуттуу мыйзам бузуу катталган жок. Түн тынч өттү. Криминогендик кырдаал дагы тынч болду, адаттагыдан азыраак кылмыш катталды. Азыркы тапта өлкөдө абал туруктуу, милиция кызматкерлери күчөтүлгөн тартипте иштөөнү улантууда”, — деп айтылат маалыматта.
ИИМ жарандарды массалык иш-чаралар өтүп жаткан жерге келүүдө санитардык-эпидемиологиялык нормаларды сактоого жана этият болууга чакырат.