Азык-түлүк коопсуздугун камсыздоо программасынын алкагында жана элден түшкөн арыздардын негизинде Бишкек шаарынын Финансы полициясы ЖМКлар менен биргеликте иш-чараларды жүргүзгөн.
"Натыйжада Садыгалиев көчөсүнөн "ТТТ Компаниясы" ижарага алып иштеткен кампа табылган. Анын ичинде ири көлөмдөгү кондитердик азыктар бар экени белгилүү болду. Ушул эле кампада таттуулардын мөөнөтүн узартуу үчүн жаңы кагаздар чапталып турган. Буга далил катары продукциянын мөөнөтүн койгон, наклейка чаптаган жабдыктар табылган", — дешти Финполдон.
Укук коргоочулар кампаны бекитип салышты. Факты боюнча тергөө башталып, аны Экономикалык кылмыштарга каршы күрөшүү кызматынын жетекчиси Сыймык Жапыкеев өз көзөмөлүнө алды.