UFC 2020-жылдын башындагы эсте калчу беттештердин видеосун жарыялады

Абсолюттук мушкерлер чемпионаты (UFC) 2020-жылдын мыкты таймаштарынын биринчи бөлүгүн тартуулаган.
Sputnik

2020-жыл уюм үчүн оор болгону белгиленип, бирок эсте каларлык учурлар дагы жок эместиги айтылды.

UFC жылдын мыкты "сабмишн" ыкмаларын тандап, арасына Хабибди да кошту. Видео
Роликте үстүбүздөгү жылдын биринчи кварталында өткөн беттештердин фрагменттери чагылдырылган. Сөз ирландиялык Конор Макгрегор жөнүндө болуп жатат. Ал америкалык Дональд Серронени нокаутка кетирген болчу. АКШнын Генри Сехудо аттуу мушкеринин өзгөчө кармашы дагы камтылган.

Мындан сырткары, видеодон америкалык мушкерлер Дастин Гэтжи менен Тони Фергюсондун беттешинин үзүндүлөрүн көрүүгө болот. Анда Гэтжи жеңишке жетип, UFC уюмунун убактылуу чемпиону болгон. Кийин, күзүндө, чемпиондук титулун коргогон россиялык Хабиб Нурмагомедов менен кармашып жеңилип калган.