БИШКЕК, 24-дек — Sputnik. "Бишкек жашыл чарба" муниципалдык ишканасынын директорлугуна Урмат Дербишев дайындалды. Бул туурасында мэриянын маалымат кызматынан кабарлашты.
Жаңы жетекчини дайындоо боюнча токтомго мэрдин милдетин аткарып жаткан Балбак Түлөбаев кол койгон. Буга чейин Дербишев Экология жана техникалык коопсуздук боюнча мамлекеттик инспекцияда иштеген.
Мындан мурдараак Түлөбаев Эльнура Жолдошеваны "Бишкек жашыл чарба" жетекчилигинен алган. Маалымат кызматы анын иштен өз каалоосу менен кеткендигин айткан.