БИШКЕК, 24-дек. — Sputnik. Жогорку Кеңештин депутаты мамлекетке келтирген ири чыгымдын ордун толтуруп жатат. Бул тууралуу УКМКнын төрагасы Камчыбек Ташиев маалымат жыйын учурунда билдирди.
Анын айтымына караганда, учурда аткаминерлер менен депутаттардын декларациялары текшерилип жатат.
"Биз Жогорку Кеңештин бир депутатын кармадык, атын айтпайм. Ал учурда мамлекетке ири суммадагы каражатты кайтарып жатат. 8 жыл мурда кылмыш кылган. Биз ага мамлекетке чыгымды кайтарып берүү талабын койгонбуз, учурда жарымын төктү", — деди Ташиев.
УКМК башчысы "кармадык" дегени эмнени түшүндүрөрүн, учурда ал каякта экенин тактаган жок.