БИШКЕК, 21-дек. — Sputnik. Казакстанда 25-декабрдан тарта 5-январга чейин карантиндик чаралар күчөтүлөт. Бул тууралуу коңшу мамлекеттин өкмөтүнүн сайтында жазылган.
Жекшемби күнү премьер-министр Аскар Мамин Казакстанда коронавирус инфекциясынын жайылышын алдын алуу боюнча мекемелер менен жыйын өткөргөн.
Анда беш регион: Атырау, Костанай, Павлодар, Түндүк Казакстан жана Акмола облустары илдеттин жогорку жана орто тобокелдик чегинде турганы айтылган. Ошондой эле январь-февраль айларында курч респиратордук вирустуу инфекциялардын фонунда коронавирус (КРВИ) күчөшү мүмкүндүгү эскертилген.
Муну менен бирге коронавируска каршы дарылардын баасын орточо пайызда азайтууга тапшырма берген. Айрым класстардын окуучулары жарым сабагын аралыктан, жарымын үйдөн окумай болгон.