БИШКЕК, 18-дек. — Sputnik. Россия президенти Владимир Путин КМШ өлкөлөрүнүн саммитинде Шериктеш мамлекеттердин лидерлерине Улуу Ата Мекендик согуш жөнүндөгү чындыкты коргогону үчүн ыраазычылык билдирди.
"Уюмдагы өнөктөштөрүбүз Россиянын тарых чындыгын сактоо үчүн эл аралык аянтчаларга сунуштаган демилгелерин жана ар кандай өңүттөгү улутчулдукту актоого каршы күрөшүн колдогонуна ыраазычылык билдиребиз. Мындан ары да элибиздин эрдигин түбөлүккө сактоо үчүн ушундай тилектештик менен иш алып барышыбыз керек", — деди Путин.
Ошондой эле ал Улуу Жеңиш тынчтыкты эле алып келбестен, дүйнөгө тартиптин пайдубалын орнотконун белгиледи.