БИШКЕК, 15-дек. — Sputnik. Бүгүн президенттик шайлоого катышкан талапкерлердин үгүт иштери башталды.
Ага ылайык, талапкерлер жер-жерлерди кыдырып шайлоочулар менен жолугуп, интернет жана жалпыга маалымдоо каражаттары аркылуу өзүнүн программасы менен тааныштыра алат.
Кыргызстанды башкарууга ниеттенип 18 талапкер жарышка аттанды.
Президенттик шайлоо 2021-жылдын 10-январында өтөт. Ага кошуп мамлекеттин башкаруу формасын аныктоо боюнча да референдум дайындалган. Кыргызстандыктар бул күнү өлкө президенттик же парламенттик башкарууга өтүшү керектигин аныктайт.