Ереванда (Армения) Тоолуу Карабахтагы ок атууларды токтотуу келишиминен улам премьер-министр Никол Пашиняндын отставкасын талап кылган оппозициянын нааразычылык акциялары өттү.
Бишкектин четиндеги "Ала-Тоо" полигонунда командалык-штабдык машыгуулар болду. Аскер кызматкерлери өзгөчө кырдаалды киргизүүдө жана президенттик шайлоого байланыштуу мыйзамдуулукту камсыз кылуудагы аракеттер кандай болуп жатканын көрсөттү.
Рюгу астероидинин топурагын топтогон Хаябуса-2 космос зонду бар капсула Австралиянын чөлүнө келип конду.
АКШнын Нью-Йорк шаарындагы жээктерге киттер келе баштады. Адистер бул көрүнүш сууну тазалоо жана планктондун деңгээлин калыбына келтирүү иш-чараларынын натыйжасында ишке ашканын айтышууда.
Кыргызстандын баш калаасы дээрлик бир айдан бери планетадагы абасы эң кир ири шаарлардын рейтингинде биринчи орунда келет. World Air Quality порталы Бишкек шаарынын абасынын булгануу деңгээлин кооптуу деп атады.