БИШКЕК, 12-дек. — Sputnik. Ирандын Instagram жылдызы Фатима Хишванд социалдык тармакка атайын программа аркылуу ырайы бузулган сүрөтүн жүктөгөнү үчүн 10 жылга абакка кесилди. Бул тууралуу Daily Mail жазды.
Былтыр, октябрда, Иран полициясы Instagram тармагында атагы чыккан Хишвандды дагы үч аял менен кармаган. Фатима Кудайга акарат келтирген, зордук-зомбулукка үндөгөн, жакшы эмес жолдор менен киреше алып келген жана жаштарды коррупцияга чакырган деп айыпталган.
2017-жылы ЖМКлар Фатима америкалык актриса Анжелина Жолиге окшошом деп бетине 50 жолу пластикалык операция жасатып, 40 килограммга чейин арыктаганын жазган. Бирок Фатима өзү мындай өң келбетти макияж жана фотошоптун жардамы менен жасаганын айткан. Ал эми 2019-жылы ирандык кыз эч качан Анжелина Жолиге окшошууга аракет кылбаганын билдирген.