БИШКЕК, 12-дек. — Sputnik. Экологиялык жана техникалык коопсуздук боюнча мамлекеттик инспекция иш учурунда эмгек укуктары бузулган Бишкектин жашоочуларын кайрылууга чакырды.
Мекеменин маалымат кызматынын билдиришинче, инспекциянын өзүнүн негизги милдеттеринен тышкары КРдин эмгек мыйзамдарынын сакталышын көзөмөлдөө жана контролдоо боюнча кызматы бар.
Инспекция Бишкектеги бардык уюмдардын, тагыраагы, мамлекеттик дагы, жеке дагы жактардын жумушчулары жана иш берүүчүлөрүн Сүйүмбаев көчөсү 16/а (Токтогул көчөсү менен кесилишет) дарегине кайрылууга чакырды. Сурап-билүү үчүн телефондор: (0504) 44-49-09, (0504) 44-41-23.
Эске салсак, 1999-жылы Кыргызстанда Мамлекеттик эмгек инспекциясы түзүлгөн. 2012-жылы мамлекеттик органдарды реформалоонун алкагында бөлүм Мамлекеттик экотехинспекциянын курамына киргизилген.