БИШКЕК, 11-дек. — Sputnik. Кыргыз-казак чек арасындагы үч өткөрүү пунктунда коңшу өлкөгө багыт алган 207 фура кезек күтүп турат. Бул тууралуу Мамлекеттик чек ара кызматы билдирди.
Саат 14.00гө алынган маалымат боюнча, "Ак-Тилек" бекетинде 145, "Кең-Булуңда" 33, "Чалдоварда" 29 жүк ташыган унаа бар.
"Кыргызстан тараптан жүк ташуучулар үчүн эч кандай чектөө жок. Чек арачылар тыюу салынган жүктөрдүн бар-жогун текшерип, машиналарды эч тоскоолдуксуз өткөрүп жатат", — деп айтылат билдирүүдө.
Ушу тапта кыргыз-казак чек арасында абал туруктуу деп бааланууда.