БИШКЕК, 11-дек. — Sputnik. Аскерий эксперт Игорь Коротченко Россияны НАТО өлкөлөрүнүн аскердик күчтөр аркылуу кармап туруу аракети менен Батыштын "Спутник V" вакцинасына көө жабуу кадамдарынын ортосунда байланыш бардыгын РИА Новостиге айтып берген.
Эксперт вакцинанын иштелип чыгышы чоң саясат менен улуттук коопсуздукта суроо жаратып жаткан маселеге айлангандыгын айтты.
Коротченко "Спутник V" вакцинасына каршы саясат "НАТО өлкөлөрүнүн аскердик күчтөр аркылуу Россияны кармап туруу аракети" менен катарлаш жүргүзүлүп жаткандыгын билдирди.
"Бул — вакцинанын беделин түшүрүп, эл аралык рынокко чыгуусун татаалдантуу. Себеби ага ондогон мамлекеттер кызыгып жатпайбы... Вакцина маселеси, ага көлөкө түшүрүүнүн артында жасалган аскердик иштер жатат. Андыктан бул Россияга каршы НАТО өлкөлөрү, ири алдыда АКШ тарабынан жүргүзүлүп жаткан комплекстүү саясат", — деди эксперт.
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.
Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.