2020-жылдын 10 айында 7669 зордук-зомбулук катталып, өткөн жылга салыштырмалуу 12 пайызга өскөн. Бул тууралуу Айкөл Турганбаева Sputnik Кыргызстан радиосуна маек берип жатып билдирди.
Анын айтымында, карантинден улам үй-бүлөлүк зордук-зомбулук 65 пайызга жогорулап кеткен.
"Карантин мезгилинде үй-бүлөлүк кысым абдан өстү. Мурда мындай учурлар катталбаган үй-бүлөлөрдө дагы бул көрүнүш кездеше баштаганы байкалды. Экономикалык-социалдык кризистер дагы өз таасирин тийгизбей койгон жок. 2020-жылдын 10 айында 7669 зордук-зомбулук катталып, өткөн жылга салыштырмалуу 12 пайызга өскөн. 25-ноябрдан 1-декабрга чейин зордук-зомбулукту токтотууга багытталган 16 күндүк акция жүрдү", — деди Турганбаева.
Ошондой эле ал үй-бүлөлүк зордук-зомбулукту азайтуу максатында Жазык-процесстик кодексине тийиштүү өзгөртүүлөрдү киргизүү ЖКнын депутаттары тарабынан демилгелегенин кошумчалады.