БИШКЕК, 10-дек. — Sputnik. Кыргызстан Улуу Британиядан коронавируска каршы вакцина алуу жаатында көмөк көрсөтүүнү өтүндү. Бул тууралуу Тышкы иштер министрлиги билдирди.
Мындай сунуш тышкы иштер министри Руслан Казакбаев менен Улуу Британия ТИМинин парламенттер аралык байланыш боюнча мамлекеттик катчынын орун басары Венди Мортон менен болгон жолугушуусунда айтылган.
Азырынча вакцинанын кайсы түрү тууралуу сөз болуп жатканы белгисиз. Эмдөө биринчи кезекте калктын аялуу катмары болгон медкызматкерлер, мугалимдер жана улгайган адамдарга жасалары айтылды.