БИШКЕК, 10-дек. — Sputnik. Кытай тараптын демилгеси менен бүгүн, 10-декабрда, чек арадагы "Торугарт" (КР) – "Тургат" (КЭР) көзөмөл-өткөрүү жайларынан автоунааларды да, адамдарды да өткөрүү токтотулду. Бул туурасында Чек ара боюнча мамлекеттик кызматтан кабарлашты.
Маалыматта бул кадамды Кытай тарап техникалык себептен улам жасагандыгы айтылат.
Чек арадан ары-бери каттоо эртең, 11-декабрда, саат 11:00дө калыбына келип уланары кабарланды.