БИШКЕК, 9-дек. — Sputnik. Депутат Асылбек Жээнбеков октябрь окуяларынан кийин бүгүн биринчи жолу Жогорку Кеңештин жыйынына катышты.
Депутаттар, алардын арасында Жээнбеков дагы добуш берип жаткан учурдун видеосу "Короче" Telegram каналына жүктөлдү.
Эске салсак, бүгүнкү, 9-декабрдагы, парламент жыйынында "Кыргызстандын башкаруу формасын аныктоо боюнча референдум өткөрүү тууралуу" мыйзам долбоору каралып, биринчи окууда жактырылды.
Экс-президент Сооронбай Жээнбековдун иниси, депутат Асылбек Жээнбеков өлкөдө бийлик алмашкандан бери Жогорку Кеңештин жыйындарында көрүнө элек болчу.