БИШКЕК, 8-дек. — Sputnik. Кесипкөй бокстун WBA түрү боюнча дүйнө чемпиону Мэнни Пакьяо Филиппиндин башкаруучу FDP-Laban партиясынын лидери болуп тандалды. Бул тууралуу sports.ru жазды.
Маалыматка ылайык, 2016-жылы сенатор болгон 41 жаштагы Пакьяо 2022-жылы Филиппиндин президенттигине ат салышууга ниеттенип жатат.
Белгилеп кетсек, дүйнө чемпиону жетектеген партияда өлкөнүн учурдагы президенти Родриго Дутерте да бар.
Кесипкөй бокстун легендасы учурдагы дүйнө чемпиону болуп туруп көз карандысыз мамлекеттин президенти катары кылымдык тарыхка кирери айтылууда.