БИШКЕК, 8-дек. — Sputnik. COVID жуктурган кыргызстандыктардын көпчүлүгү 65 жаштан жогорку курактагылар. Бул тууралуу Коомдук саламаттык сактоо башкармалыгынын жетекчиси Айнура Акматова брифинг учурунда билдирди.
Анын айтымында, 100 миң адамга 65 жаштан жогорку курактагы 1 650 учур туура келет.
Пандемия башталгандан бери республикада 75 690 кишинин коронавирус жуктурганы аныкталган. Алардын 67 873ү сакайып кетсе, 1301и көз жумду.