БИШКЕК, 8-дек. — Sputnik. Коронавирустан көз жумган 30 медиктин жакындарына 1 миллион сомдон компенсация төлөнүп берилди. Бул тууралуу Республикалык штаб маалымдады.
Ага ылайык, азыркы тапта оорудан көз жумган дагы эки медиктин жакындарына миллион сом төлөп берүү каралууда.
8-декабрга карата ооруну очогунда жүрүп жуктуруп алган 608 медикке 200 миң сомдон компенсация төлөнгөн. Азыркы тапта дагы 148 ак халатчанга кошумча акча төлөө үчүн документтери каралып жатканы айтылды.