БИШКЕК, 8-дек. — Sputnik. Бүгүн, 8-декабрь күнү, эртең менен Баткенде жол кырсыгынан бир киши каза тапканын ӨКМдин маалымат кызматы кабарлады.
Окуя саат 07:45те Ош — Баткен — Исфана унаа жолунун 223-чакырымындагы Жаңы-Жер айыл аймагында болгон. Анда Hyundai Solaris үлгүсүндөгү унаанын айдоочусу рулду башкара албай жолдон чыгып, оодарылып кеткен.
Кырсыктын кесепетинен 31 жаштагы эркек киши каза болгон. Куткаруучулар сөөктү унаадан чыгарып, ИИМ кызматкерлерине өткөрүп беришкен.