БИШКЕК, 7-дек. — Sputnik. Бишкектин чок ортосунда аял унаа сүзүп кетип каза болду. Бул тууралуу Кайгуул күзөт кызматынан билдиришти.
Окуя кечээ түнү саат 01:45тер чамасында Тыныстанов менен Абдымомунов көчөлөрүнүн кесилишинде болгон.
Милициядан билдиришкендей, айдоочу качып кеткен. Ал эми 45-50 жаш чамасындагы аял ошол жерден жан берген.
Кылмышка шектелип Subaru Forester үлгүсүндөгү унаанын 24 жаштагы айдоочусу кармалды. Териштирүү амалдары жүрүүдө.