БИШКЕК, 3-дек. — Sputnik. Эксперттер көп ирет пайдаланчу маскадан баш тартууга убакыт келгенин айтып, себептерин санап берди. Бул тууралуу Huffington Post басылмасы жазды.
Жеке коргонуу каражатынын бир түрү катары чүпүрөк бет каптар медициналык масканын ордун алмаштыра алды. Бирок алар көп колдонулгандыктан вирустан анчейин коргой албай калышы мүмкүн, айлана-чөйрөнү дагы булгайт.
Гезитке маек берген эксперттер масканын эскиргендигин кантип аныктоо керектигин айтып беришкен.
1. Бошоп калган резинкалар эң алгач коргоо каражатын ыргытуу керектигинен кабар берет. Алар бетти оңгулуктуу жаппай, ооруну жуктуруу тобокелчилигин арттырат.
2. Эч качан чүпүрөктөрү айрык, тешик же жиптери чыгып турган маскаларды албагыла. Ал вирус кирген уюкка айланат.
4. Чүпүрөгү жукарып кеткен бет кап дагы оорудан сактабай калат. Мындайларды көбүнчө суукка чыкканда бет бууланып кеткенде да байкоого болот.
5. Эгерде сиз масканы туура эмес жууп койсоңуз же көп жуусаңыз, андан арылууга кез келди. Коргоочу каражаттардын бардыгын эле кир жууган машинага салууга болбойт. Эгерде көрсөтмөдө масканы колго тазалоо керек деп жазылса, ошону аткаруу керек.