БИШКЕК, 22-ноя. — Sputnik. Борбор калаада автоунаа өрттөндү. Кырсыктын видеосу "Короче" Telegram каналына жарыяланды.
Видеодон автоунаанын жалындап күйүп жатканын көрүүгө болот.
ӨКМ окуя 22-ноябрда болгонун тастыктады. Маалыматка караганда, Турусбеков көчөсүндө турган автоунаадан өрт чыкканы тууралуу кабар түшүп, аны өчүрүүгө саат 17:48де куткаруучулар тартылган. Ал эми күбөлөр унаа Исанов көчөсүндө өрттөнгөнүн айтышууда.