Кыргызстандык мушкер Кудурет Талипов беттештин 16-секундунда өзбекстандык Баходир Бахрамовду нокаутка кетирди. Бул тууралуу маалымат "Колизей ММА" уюмунун социалдык баракчасына жарыяланды.
Кезектеги "Чемпиондордун беттеши 16" турнири Москвада 15-ноябрда өткөн. Кыргызстандык мушкер 70 килограммга чейинки салмак категориясында өзбекстандык Баходир Бахрамовго каршы чыккан.
Видеодон кыргызстандык мушкер каршылашын көз ачып жумгуча нокаутка кетиргенин көрүүгө болот.