БИШКЕК, 14-ноя. – Sputnik. RT жана "Россия сегодня" эл аралык маалымат агенттигинин башкы редактору Маргарита Симоньян менен "Говорит Москва" радиосунун башкы редактору Роман Бабаян НТВ телеканалынын эфиринде Армениянын премьер-министри Никол Пашинянга ыңгайсыз суроолорду узатышты.
Бабаян төмөнкүдөй суроолорду берди: Россия Тоолуу Карабахтагы жаңжалдын биринчи күнүнөн баштап кырдаалды жөнгө салуу үчүн түрдүү жакшы сунуштарды бергени, сиз болсо аларды угуп, бирок баш тартканыңыз чынбы? Армения Россиядан Пашиняндын жеке өтүнүчү менен керектүү курал-жарактын бардыгын алып турду беле?
"Суроолорго ачык жооп берсеңиз, сизди колдоп жаткандар көп нерсе билип калаттыр. Эгер жооп бербесеңиз анда кийинки суроолорду узатам, ошондо кутулуп кете албай каласыз", — деди Бабаян.
Сиздин кыбырагандыгыңыз, аныксыздыгыңыз жана бир учурда эки отургучка отуруу каалооңуз азыркы көрүнүшкө алып келген жокпу?
Тоолуу Карабахтагы кырдаал 27-сентябрда курчуган. Согуштук чырдын башталышына Армения менен Азербайжан бири-бирин айыпташат. Россия, АКШ жана Франция лидерлери каршылаш тараптарды кагылышууларды токтотууга жана тез арада сүйлөшүүлөрдү баштоого чакырышкан.