БИШКЕК, 8-ноя. — Sputnik. Кыргызстандык өнөрпоз Атай Өмүрзаковдун бий тобу Германиядагы Das Supertalent аталышындагы таланттар шоусуна катышты. Бул тууралуу ал социалдык тармактагы баракчасы аркылуу билдирди.
"Германиядагы шоуда балдар бийдин сазайын берди", — деп жазган Өмүрзаков.
Балдардын сынакка катышканы тууралуу уюштуруучулар дагы расмий Instagram аккаунтунда билдирип, видеоанонс жүктөгөн.
"ATAI Show командасы укмуштуудай өнөрүн көрсөттү", — деген конкурстун өкүлдөрү.
Роликтен калыстар "сөөгү жоктой" кыймылдап жаткан бийчилерге айран-таң калып, санааркап жатканын көрүүгө болот.