БИШКЕК, 7-ноя. — Sputnik. Күрөш боюнча дүйнө чемпиону Айсулуу Тыныбекова Польшанын борбору Варшавадагы эл аралык турнирде финалда таза жеңишке жетти.
Мелдеш Youtube каналында түз алып көрсөтүлдү.
Финалда Тыныбекова 62 килограммда россиялык Анжела Фоменко менен кармашып, атаандашын 10:0 эсебинде утту.
Ага чейин кыргызстандык балбан россиялык Ульяна Тукуренова жана Африканын азыркы чемпиону Тунистен чыккан Марва Амрини жеңген.