Адистер мындай кадрлар сейрек кездешет деп айтканын "National Geographic Россия" сайты жазды.
Видеодон эне менен баланын тыптынч аймакта өзүн коопсуз жана эркин сезгендигин байкоого болот. Ага кошумча жаратылыш да өзгөчө көрктүү. Бийик аскалардын арасынан тартылган бул видео четтен карап турган адамга башкача сезим тартуулайт. Адистердин айтымында, бала кабыланга болжол менен 5-6 ай болуп калган.
Кабылан ресторанга эртең мененки тамак учурунда кирип келди. Африкадагы видео
Бул Приморье аймагындагы "Земля леопарда" деп аталган жаратылыш жайы экени айтылды. Ал жерде 400дөй видеокамера аймактагы жаныбарларга күнү-түнү "кароолчу" болуп турат.
Окумуштуулар "Ырааккы чыгыш кабыланы" деп аталган түркүмгө кирген бул жырткыч дүйнөдө азыр сейрек экенин айтып келишет. Анткен менен Россияда Кызыл китепке киргизип, сактап калганга жетишкен. Учурда алардын саны 97ге жеткенин жергиликтүү адистер маалымдашкан. Бул жаратылыш паркында "Ырааккы чыгыш кабыланын" карап, тукумунун көбөйүшүнө көз салып турушат.